ເປີດລົງທະບຽນ ເຂົ້າຮ່ວມທົວກາເຟໄຮໂດຣເຈນ 2026

ຂໍ້ມູນສຳລັບຜູ້ເຂົ້າຮ່ວມຈາກປະເທດລາວ

Lao Green Hydrogen Co., Ltd. (LGH) ຈັດທົວກາເຟໄຮໂດຣເຈນ 2026 ໃນວັນທີ 14–16 ທັນວາ 2026 ທີ່ປາກເຊ ແລະ ປາກຊ່ອງ, ແຂວງຈຳປາສັກ.

ສຳຜັດປະສົບການ 3 ວັນ 2 ຄືນ ຕັ້ງແຕ່ສວນກາເຟຈົນເຖິງການຂົ້ວກາເຟດ້ວຍໄຮໂດຣເຈນ. ຮ່ວມເກັບໝາກກາເຟ, ຊິມກາເຟສູງສຸດ 12 ຊະນິດ, ກິດຈະກໍາເກມກາເຟ ແລະ ພົບປະຜູ້ປະກອບການໃນວົງການກາເຟ.

ທົວນີ້ເປີດຕ້ອນຮັບທັງຜູ້ທີ່ຮັກກາເຟ ແລະ ຜູ້ທີ່ສົນໃຈສ້າງຄວາມຮ່ວມມື ຫຼື ຊອກຫາໂອກາດທາງທຸລະກິດ.

ກຳນົດການຫຼັກ

14 ທັນວາ / ທີ່ປາກເຊ
ຊົມເຄື່ອງຂົ້ວກາເຟໄຮໂດຣເຈນຂອງ LGH ແລະ ໂຮງຂົ້ວຂະໜາດອຸດສາຫະກໍາທີ່ຢູ່ລະຫວ່າງການກໍ່ສ້າງ
ກິດຈະກຳຄັບປິ້ງ
ງານລ້ຽງຕ້ອນຮັບ

15 ທັນວາ / ທີ່ປາກຊ່ອງ
ຢ້ຽມຊົມສວນກາເຟ Dao
ເກັບໝາກກາເຟ
ກິດຈະກຳເກມກາເຟ

16 ທັນວາ / ທີ່ປາກເຊ
ກິດຈະກຳຄັບປິ້ງຮອບສຸດທ້າຍ
ພິທີມອບລາງວັນ
ພົບປະ ແລະ ສ້າງເຄືອຂ່າຍກັບຜູ້ປະກອບການກາເຟ

ຄ່າທົວສຳລັບຜູ້ເຂົ້າຮ່ວມຈາກປະເທດລາວ

ລາຄາພິເສດ Early Bird: 6,000,000 ກີບ/ທ່ານ
ຈອງພາຍໃນວັນທີ 14 ພະຈິກ 2026
ລາຄາປົກກະຕິ: 6,600,000 ກີບ/ທ່ານ
ຈອງພາຍໃນວັນທີ 6 ທັນວາ 2026

ລາຄາລວມ:

ທີ່ພັກທີ່ Champa Palace Hotel, ປາກເຊ 2 ຄືນ ແບບ 2 ທ່ານຕໍ່ຫ້ອງ
ອາຫານ 7 ຄາບ
ລົດຮັບສົ່ງໄປ–ກັບ ປາກເຊ–ປາກຊ່ອງ
ກິດຈະກຳໃນທົວ ແລະ ລາງວັນ

ລາຄາບໍ່ລວມ:

ຄ່າເດີນທາງໃນກໍລະນີລູກຄ້າທີ່ບໍ່ໄດ້ຢູ່ພາຍໃນປາກເຊ, ປະກັນໄພ ແລະ ຄ່າໃຊ້ຈ່າຍສ່ວນຕົວ.

ຜູ້ເຂົ້າຮ່ວມຈັດການການເດີນທາງໄປ–ກັບປາກເຊດ້ວຍຕົນເອງ. ຫາກຕ້ອງການພັກຫ້ອງດ່ຽວ, ກະລຸນາສອບຖາມລາຍລະອຽດ ແລະ ຄ່າໃຊ້ຈ່າຍເພີ່ມເຕີມໃນເວລາຈອງ.

ການຈອງ ແລະ ຊຳລະເງິນ

1.     ກະລຸນາຈອງຜ່ານແບບຟອມຕິດຕໍ່ໃນເວັບໄຊຂອງ LGH ໂດຍລະບຸ “ທົວກາເຟໄຮໂດຣເຈນ 2026” ໃນຂໍ້ຄວາມ.
2.     ຊຳລະຄ່າທົວຜ່ານ Champasak Travel ໂດຍສະແກນ QR Code ໃນໂປສເຕີຜ່ານແອັບທະນາຄານ.

ສອບຖາມຂໍ້ມູນເພີ່ມເຕີມ

ຫາກມີຄຳຖາມກ່ຽວກັບທົວ, ກະລຸນາຕິດຕໍ່ຜ່ານແບບຟອມສອບຖາມໃນເວັບໄຊຂອງ LGH ແລະ ລະບຸ “ທົວກາເຟໄຮໂດຣເຈນ 2026” ໃນຂໍ້ຄວາມ.

ແບບຟອມສອບຖາມ: https://laogreenhydrogen.com/contact/

ໝາຍເຫດ: ກຳນົດການ ແລະ ກິດຈະກຳອາດມີການປ່ຽນແປງຕາມສະພາບການໃນພື້ນທີ່ ຫຼື ຄວາມຈຳເປັນໃນການດຳເນີນງານ.